Naidheachdan
Pìobaireachd nan Inbheach
Published: 10 Aug 2011
Tha obair ullachaidh airson Mòd Nàiseanta Rìoghail 2011 a-nis aig àrd-ìre agus bu mhath leis a’ Chomuinn Ghàidhealaich cur an cuimhne fharpaisich pìobaireachd nan inbheach gum feumar tagraidhean a bhith a-steach ro 26mh Lùnasdal 2011, ’s nach tèid gabhail ri tagraidhean anmoch neo neo-chrìochnaichte a gheibhear an-dèidh a’ cheann-latha sin.
Thèid farpaisean Pìobaireachd na h-òigridh ‘s nan inbheach a chumail ann an Sgoil Lìonacleit ann am Beinn na Faoghla am bliadhna air 15mh Dàmhair 2011. ’S e eachdraidh phròiseil, fharsaing a th’ aig na h-Uibhistich a thaobh na Pìobaireachd, mar sin, ’s ann gu math iomchaidh a tha e gun till farpaisean pìobaireachd a’ Mhòid dhan na h-Eileanan seo. Thèid farpaisean agus tachartasan a chumail air feadh nan eilean aig a’ Mhòd am bliadhna, le farpaisean dannsa Gàidhealach gan cumail ann am Barraigh.
Thuirt Dòmhnall Bàn Dòmhnallach, air a bheil meas mòr mar neach-teagaisg ann an Uibhist, “Tha sinn a’ coimhead air adhart gu mòr ri bhith a’ cumail farpaisean pìobaireachd a’ Mhòid am bliadhna. Tha an t-uamhas de thàlant a-measg nam pìobairean òga anns na h-Eileanan agus gheibh iad cothrom èisteachd ri cuid dhe na pìobairean as fheàrr a th’ ann san t-saoghal, ’s bidh fàilte bhlàth romhpa.”
A bharrachd air na duaisean a bhios rim faighinn, glèidhidh an neach a bhuannaicheas farpaisean pìobaireachd inbheach a’ Mhòid aig a’ cheann thall àite-inntrigidh gu farpais Uibhist & Barraigh Ghlaschu, a bhios a’ gabhail àite Disathairne 10mh Màirt 2012.
’S e seo an còigeamh turas a thèid am Mòd a chumail sna h-Eileanan an Iar le Mòdan air gabhail àite ann an 1979, 1989, 2001 agus 2005. Tha e soilleir gu bheil muinntir nan Eilean a’ cur fàilte air a’ Mhòd a chumail a-rithist. Thuirt Neach-gairm na Comataidh Eagrachaidh Ionadail, Alex Dòmhnallach, “Tha sinn airson ’s gum bi Mòd 2011 a cheart cho soirbheachail ri na Mòdan a chaidh an cumail sna h-Eileanan an Iar a cheana. Tha sinn misneachail gur e Mòd fìor mhath a bhios ann, ann an 2011 agus gun còrd an turas dha na h-Eileanan ri luchd-tadhail. Gu dearbh, tha fàilte chridheil Ghàidhealaich a’ feitheamh air luchd-tadhail agus farpaisich.”
Thèid Am Mòd Nàiseanta Rìoghail a chumail anns na h-Eileanan Siar eadar 14mh agus 22mh Dàmhair 2011.
Airson tuilleadh fiosrachaidh a thaobh a bhith a’ cur a-steach airson farpais, cuiribh fios gu Seumas MacIlleathain air 01505 612 134/07833 742 024 air neo air post-d: jmacleanpiper@hotmail.co.uk.
Airson fiosrachadh sam bith eile mun Mhòd Nàiseanta Rìoghail neo Mòd nan Eilean Siar 2011, feuch an tadhal sibh air ar làrach-lìn. « Back to Mòd News List
- Naidheachdan nam Mòdan Ionadail
- Mòd Ionadail Obar Dheathain gus cultar na Gàidhlig a chomharrachadh
Published: 08 Jul 2024 - Soirbheachas Mòd Ionadail Ghlaschu 2024
Published: 17 Jun 2024 - Cinn-latha 2024
Published: 11 Apr 2024 - Mòdan Ionadail 2024
Published: 11 Apr 2024 - Mòd ùr do dh’Inbhir Pheofharain air a dhearbhadh!
Published: 01 Mar 2024
- Mòd Ionadail Obar Dheathain gus cultar na Gàidhlig a chomharrachadh
- Naidheachdan a’
Mhòid as ùr- Mòd eireachdail an Òbain a’ còrdadh ris na mìltean agus a’ bhratach a’ dol gu Loch Abar airson 2025
Published: 19 Oct 2024 - Bidh seinneadairean agus luchd-ealain a’ farpais airson prìomh dhuaisean air an latha mu dheireadh ach aon de Mòd 2024
Published: 18 Oct 2024 - Am Mòd a’ faighinn cliù anns an Òban mar urram dha na seinneadairean Gàidhlig as fheàrr san t-saoghal
Published: 17 Oct 2024 - Urraman Litreachais agus seinn mhìorbhaileach ann an teis mheadhan a’ Mhòid Nàiseanta Rìoghail
Published: 16 Oct 2024 - Am Mòd Nàiseanta Rìoghail a’ taisbeanadh guthan òga agus rionnagan an àm ri teachd san Òban
Published: 15 Oct 2024
- Mòd eireachdail an Òbain a’ còrdadh ris na mìltean agus a’ bhratach a’ dol gu Loch Abar airson 2025
Proudly Sponsored By
Sangobeg Investments Ltd
BBC Alba
Caledonian MacBrayne
SQA
The Scottish Government
Bòrd na Gàidhlig
Creative Scotland
Event Scotland
